「香港餐飲展 2026」（RBHK）於9月1至3日在會展舉行，今屆展會匯聚超過400個來自11個國家同地區的餐飲品牌，涵蓋食品與飲料、天然及有機產品、咖啡、烈酒、款待科技等八大範疇，預計吸引逾9,000名業內人士入場。 展會獲香港投資推廣署、香港會議及展覽拓展部等機構支持，商務及經濟發展局副局長陳百里博士擔任開幕禮主禮嘉賓。
今年展會有咩睇？
會場設有多個特色專區，包括重磅回歸的Specialty Coffee Corner、展示綠色產品的Eco-Innovation Hub，以及日本清酒及烈酒展團。
多款首次進軍亞洲市場嘅創新產品亦喺度亮相，例如Marble King 全血和牛、日本高知縣「四萬十雞」、Misty 餐具跟 FSWAAI 自動稱重包裝貼標機等，為本地餐飲帶來新風味同設備。
咖啡控必睇：新豆同新沖法
對於咖啡愛好者，要留意一下展會的咖啡專區。Sipper Coffee帶來兩款咖啡豆：泰國Peaberry跟哥倫比亞水洗瑰夏（Gesha Washed）。 咖啡師解釋，泰國Peaberry以前被當成瑕疵豆，但後來發現其酸甜平衡、風味明亮，現時才被人重新種植。至於哥倫比亞瑰夏就有傳統花香、乾淨酸度同柑橘風味，適合鍾意清新口感的人。
而對於喜歡抹茶嘅女生，可以留意Sipper Coffee為今次展會所挑選的抹茶粉，駐展咖啡師表示，最多人選擇是「紺夢」跟「昔之軼」兩款。 「昔之軼」質感偏 creamy，餘韻不會太苦，香氣突出；而「紺夢」味道較濃，適合作抹茶拿鐵。
燕麥奶新選擇
植物奶一向是女生關注的健康同環保選擇，今屆展會Oatly推出咗新產品Barista Specialty燕麥奶，甜味來自燕麥本身，但燕麥味較淡，重點凸顯咖啡豆嘅香氣同風味。Oatly市場部經理Posy Yue表示，跟舊有Barista Edition相比，新款質感更滑、更濃稠，質地更貼近牛奶。
目前新款燕麥奶主打商用，供應咖啡店，暫不作零售，想試的女生們目前可到Black Sugar或Urban Coffee Roaster品嚐。Black Sugar創辦人William表示，配合他們自家烘焙的埃塞俄比亞意式豆，果香味突出，飲落好順口，有液體金沙的感覺。
其他精彩活動
展會亦設有Brew Bar，邀請得獎咖啡師分享專業見解。展會最後一天還有香港咖啡競技大賽 2026，欣賞本地頂尖咖啡師比拼沖煮速度、拉花技巧跟創意表現。
展會亦設有「銀髮食安與營養」講座，探討銀髮族營養需求跟食品安全，揭示餐飲業如何透過產品創新與安全檢測，回應人口老齡化趨勢，對於關注家人健康的人士亦有參考價值。
