正所謂「減肥係女人一生嘅事業」，相信唔少人都為保持完美嘅身形而苦惱。網上流傳各種減肥方法，花多眼亂唔知邊樣先好？今日就嚟認識吓唔少國際同本地名人如Vanessa Hudgens、黎芷珊都選用嘅生酮飲食法喇！

生酮飲食主張高脂肪、適量蛋白同低碳水化合物嘅飲食方式，模擬身體處於飢餓狀態，從而令人體直接燃燒脂肪（酮體）而唔係碳水化合物（醣）。簡而言之，即係將食落肚嘅脂肪成為主要能量來源，達至更快嘅減脂效果。

其實早起1920年代開始，生酮飲食法已經有人提出，但就係用嚟控制兒童癲癇。生酮飲食法適合本身對澱粉食物冇乜好感嘅人，唔需要去食飯、麵、麵包之類嘅嘢。同時又可以任食充滿油脂嘅食物，例如和牛，雞皮，豬油等等。所以喱種飲食法會好飽肚，因為食左好多油之後就唔會口痕搵零食～所以亦有研究指出生酮飲食法甚至比「低脂飲食」同「低澱粉飲食」有更大減磅效果！

當然，冇嘢係完美嘅。喱種飲食法其實營養並唔均衡，而且可能會出現酮症，常見嘅症狀口臭、頭痛、便秘等。所以決定選唔選用嘅時候都係視乎返個人嘅特質是否適合，或者咨詢吓營養師嘅意見再作決定喇！

Text by: Girlsmood

Photo from: Pinterest, Instagram (黎芷珊 @marialuisaleitao)