10月1日是國慶日，不少藝人在微博出Post祝賀中國70周年，其中英皇歌手阿Sa、容祖兒等都有在微博出post祝賀國慶，而軒仔 張敬軒亦不例外PO出 「祝福祖国生日快乐」字句。當PO文一出，即時引起網民熱議！受到港人喜愛的軒仔被網民IG洗版式留言，紛紛留言狠批：「你個良心去咗邊」、「好失望，可唔可以講返人話啊？」
受到一眾粉絲在IG的洗版式漫罵，平日平均百多條留言的Post，到最新一篇就有5千多個留言討論！面對粉絲的憤怒，軒仔連夜不停回覆並解釋，可惜的是部分網民不賣帳，認為軒仔向錢看和為名利跪低，並揚言「唔會再睇你演唱會！」
更有粉絲痛斥：「我認識既軒仔係敢言正義，當我玻璃心，真心好失望，你係我偶像黎，唔出聲無人當你啞」或是認為「我覺得你係被迫，你都唔想，無奈嘅情況下，好唔開心…」而軒仔回覆：「幾廿歲人，迫與唔迫，又唔係搭車迫地鐵，講嚟做乜啫。你記得要帶眼識人，尤其係我呢啲咁嘅藝人，咁嘅人唱埋啲咁嘅歌再聽都嘥時間。有heart嘅歌手喺呢個地方越來越少，你千萬要好好珍惜。」
事件經過一日，軒仔今日早上（2/10）於個人IG story 發佈：「#抵D #D得好」，似乎在暗示近日發生的事情，指自己抵罵，同時被罵得對。
雖然因此事流失不少香港粉絲，但仍有不少鐵粉留下，明白軒仔的難處認為：「佢的立場從未改變」，只是因為經紀公司英皇的決定和為了工作而身不由己，並揚言永不離棄撐軒仔「我相信佢初心無變，只係無直接去說明去交代。」
洗版式的熱議加上網民與粉絲的兩極化，相信凌晨三點多出IG Story的軒仔也不好受吧。
Text by GirlsMood
