望住專櫃個價錢牌心大心細？想搵特別款又唔知邊度有好貨？今次同大家分享私藏好去處——恒隆中心！地鐵站出口直達，最啱突然shopping mood到就即興出發～除咗齊備人氣美妝，最驚喜係隱藏高樓層嘅一衆名牌專賣店，有機會用最抵價錢「執到寶」，行完仲可以轉場去隔離Fashion Walk繼續潮聖，今個weekend就約埋姊妹去血拼啦！

恒隆中心名牌掃貨攻略

恒隆中心佔地超過10萬英尺，銅鑼灣港鐵站E出口一出行到，集結人氣藥妝同生活百貨，仲有松本清旗艦店坐鎮，不過重點係位於高樓層嘅一衆名牌專賣店！6至14樓全層都係零售店家任你尋寶，更加有多間名牌專賣店集中於10至14樓，等你用超抵價入手心水名牌～以下係小編推私心推介5間必掃舖頭：

TOP2 – 恒隆中心11/F

集齊全球一線奢侈品牌同本地設計師作品，連專業買手都定期嚟掃貨！歐洲直送，價錢仲要好抵，專櫃睇中嘅款不妨嚟呢度比較下～

Unibuy – 恒隆中心12/F

由輕奢入門級到大牌經典款應有盡有，主打超抵折扣價，吸引唔少精明消費者。無論你想買手袋、服飾定配件，呢度總有驚喜等你發掘，而且質素有保證，絕對係荷包友好之選！

Pastelli 凱勳 – 恒隆中心13/F

專營各類名牌商品，由經典款到限量版一應俱全，涵蓋服飾、手袋、鞋履同配件等。無論你想搵轉季新裝定罕見單品，嚟呢度慢慢尋寶，隨時搵到心頭好！

汐源國際 – 恒隆中心10/F

專營Hermès、Chanel、Rolex等頂級奢侈品牌，由手袋、腕錶到精品配件應有盡有，為顧客提供優質購物體驗～

妙思時裝 – 恒隆中心10/F

集合超過240個國際設計師品牌，從服飾、手袋到鞋履配飾，一站式滿足你嘅穿搭需求，由頭到腳幫你襯好成套outfit！想轉季買新衫，記住要mark實呢間～

銅鑼灣潮聖地標 Fashion Walk

行完恒隆中心唔使急住走，過條馬路1分鐘就到Fashion Walk！商場分成百德新街、記利佐治街、加寧街、京士頓街及食街5個街區，集結潮牌旗艦店、珠寶名錶同人氣食肆，例如Vivienne Westwood Cafe同HOKA專門店！行到餓仲可以去 食街 醫肚，由日本過江龍GARIGUETTE唱片千層酥、英國人氣酒吧The Black Dog、到日本清酒藏所by sake san都有得揀，食貨們實啱心水！

提提大家，記得去地下賓客服務台，睇吓有咩季節限定優惠同推廣，隨時有驚喜折扣㗎～