香港女仔普遍都會日日化妝扮靚,但有一啲化妝產品,經常用可能會傷害皮膚,而且仲係一啲大家都會接觸到嘅方便產品,各位又估唔估到係邊幾樣呢?

 

  • 秋冬保養護膚必備 打造水嫩BB肌必備5大護膚品!

  • 1, 脫毛膏

     

    脫毛膏會令皮膚表層做成不必要嘅刺激。脫毛膏成分含有溶解毛髮嘅化學品,對皮膚刺激性好強,而且傷害毛囊,皮膚敏感者更加唔適宜使用。建議大家要脫毛嘅話,都係選用一啲女士專用嘅脫毛儀器。

     

     

    2, 卸妝濕紙巾

     

    卸妝濕紙巾通常含有香精同其他會導致皮膚敏感嘅防腐劑。建議大家用乾化妝棉,再加適量卸妝油來清潔卸妝。

     

     

    3, 防水睫毛液

     

    市面上出售嘅大多嘅持久防水睫毛液,因為加強咗防脫色嘅功能,所以會好難卸乾淨。如果唔將眼妝徹底卸走,殘留嘅睫毛液可能會進入眼部毛孔,導致眼睛發炎、毛囊炎、甚至睫毛脫落。

     

     

    4, 啞光唇膏

     

    啞光唇膏嘅賣點同防水睫毛液一樣,都是保持一日不脫色,但係大多數啞光唇膏都會令嘴唇變乾,而且長期用會嘴唇爆拆,流血同生唇瘡。

     

     

    5, 防曬粉底

     

    防曬粉底嘅2合1功能對各位女士嚟講非常方便,但剩係搽防曬粉底係唔可以對皮膚起到充分嘅防護作用。防曬粉底嘅防曬值含量通常都唔高。建議大家最好先幫皮膚做保濕,然後搽上防曬度較高嘅防曬霜,等皮膚吸收防曬霜後先再搽上粉底。

     

    Follow GirlsMood 女生感覺Telegram頻道獲得更多資訊 :  
    http://bit.ly/2TCwwbF

    Subscribe GirlsMood 女生感覺Youtube channel緊貼我們的資訊:
    http://bit.ly/2LZfuSu

    Subscribe GirlsMood 女生感覺 Twitter:
    http://bit.ly/2k6Z2pT