香港人成日OT捱夜，坐係Office長期處於於冷氣房狀態下，皮膚變得又乾又差。點先可以係辦公室Keep著皮膚彈滑？記著以下3種保濕大法，簡單咁Keep著日日皮膚日日靚。

1, 記得多飲水

水對人體同皮膚健康程度都有極大影響，因為身體各個器官運行都需要水嘅協助。上班族如果想要保持良好嘅皮膚狀態，補水係一個不可少嘅環節，記得要多飲水，畢竟夜間工作所消耗嘅水分會比白天工作多。

2, 辦公室放加濕器

辦公室長開冷氣令空氣變得乾燥，加濕器可避免皮膚長期被冷氣抽乾。因此經常上夜班嘅人可以係辦公室放置一部加濕器同綠色植物，加濕器放濕可以避免皮膚乾燥，而綠色植物則可以保持空氣清新。

3, 隨身攜帶補水噴霧

經常捱夜會令皮膚處於粗糙狀態，上夜班時，體內水分會被大量消耗，從而令皮膚因為得不到充分嘅水分而變得乾燥，所以夜班族要隨身攜帶補水噴霧。補水噴霧可即時幫臉部皮膚補水，而且攜帶非常方便，最重要係可以隨時隨地幫臉部皮膚補水。