大家日常生活中遇到唔同嘅人,但能夠成為摯友就好難得。男人之間有兄弟情、女仔之間亦總有種朋友係打風都打唔甩。就睇吓以下嘅閨蜜認證!你同你嘅朋友中幾多個、你又第一時間諗起邊個呢?

  • 【蘋果發佈會】夢幻薰衣草紫色iPhone 12推陳出新 iPad Pro換M1晶片 7色iMac AirTag新登場

  • 1)唔會怕尷尬

    一齊相處嘅時候,如果為咗避免尷尬而要不停揾嘢講,都幾費神架!而同閨蜜一齊嘅時候,即使有deadair都會好自在,完全唔需要怕尷尬、甚至有時只係一個眼神就已經知道對方嘅感受!

    2)會為對方幸福而開心

    正所謂「睇人——最開心」,生活中認識各種唔同嘅人,總有啲其實只係扮友善。但閨蜜永遠會由自己角度出發、為自己好。當你經歷開心嘅事,對方亦會從心底裡為你高興;遇到唔開心嘅事亦會同你一齊唔開心!

    3)感情唔會容易變淡

    有時候大家嘅生活可能各有各忙,好耐都冇聯絡。但你知道呢段友誼唔會因為咁就變淡。每次講返嘢或再聚嘅時候,都會依舊分享自己嘅嘢。感覺就同以前一樣、從來冇變過一樣!

    4)陪對方一齊做傻嘢

    歌仔都有得唱「榮幸有你放任伴我傻」~好多嘢其他人睇落好癲,但只要同閨蜜一齊就幾傻都願意一齊做。唔單止唔會介意其他人嘅目光、仲會自得其樂!

    5)好多嘢都變得好似

    都已經唔知究竟係邊個影響邊個,但自己嘅喜好、品味等等都變得越嚟越似對方。即使係非主流嘅嘢,都總有對方同你一樣欣賞!

    Text by: Girlsmood

    Photo from: Internet

    Follow GirlsMood 女生感覺Telegram頻道獲得更多資訊 :  
    http://bit.ly/2TCwwbF

    Subscribe GirlsMood 女生感覺Youtube channel緊貼我們的資訊:
    http://bit.ly/2LZfuSu

    Subscribe GirlsMood 女生感覺 Twitter:
    http://bit.ly/2k6Z2pT