香港著名演員吳孟達今日(27號)因肝癌逝世,享年70歲。佢生前曾與周星馳堪稱最佳拍檔、拍攝唔少經典作品,陪伴香港人成長。今日就一齊回顧幾套香港人耳熟能詳嘅經典之作。

1) 《逃學威龍》

  • 香港Youtube界首次四台聯播!網民大讚青春熱血:改朝換代真的要開始了。

  • 相信好多人都會仲記得周星馳飾演嘅「周星星」同吳孟達所飾演嘅「達叔」,將兩個角色演繹得入型入格。

    2)《九品芝麻官》

    戲中周星馳飾演「包龍星」同吳孟達飾演「包有為」有唔少經典對白,相信好多人一睇到就會有聲。例如「我空虚,寂寞,我凍呀」、「有為,你見點啊有為」等等,真係我哋香港人嘅集體回憶。

    3)《武狀元蘇乞兒》

    戲中周星馳飾演「蘇燦」同吳孟達飾演「廣州將軍」。正所謂「行行出狀元,如果我冇睇錯,你將會係乞丐中嘅霸主!」,相信丐幫幫主嘅角色亦深深留咗香港人腦裡。

    4)《百變星君》

    周星馳飾演「李澤星」同吳孟達飾演「達叔」。戲中唔少發明新奇好笑,相信有睇過嘅觀眾都唔會唔記得考試機器、炒菜鏟、巨型熨斗、黃老太金蠶寶衣等等。

    5)《食神》

    戲中周星馳飾演「史提芬周」同吳孟達飾演大快樂飲食集團主席。相信一響起「情與義, 值千金」,就會令好多人記起莫文蔚唱嘅場面。

    當然,佢哋嘅經典作品又點止咁少呢。無論有幾多新戲,都唔能夠取代呢啲經典嘅地位。吳孟達一生為我哋香港影迷帶嚟唔少回憶同笑聲,希望三叔一路好走。

    Text by: Girlsmood

    Photo from: 劇照

    Follow GirlsMood 女生感覺Telegram頻道獲得更多資訊 :  
    http://bit.ly/2TCwwbF

    Subscribe GirlsMood 女生感覺Youtube channel緊貼我們的資訊:
    http://bit.ly/2LZfuSu

    Subscribe GirlsMood 女生感覺 Twitter:
    http://bit.ly/2k6Z2pT