相信好多女仔就算表面扮到唔介意，其實成日都好想知道別人眼中嘅自己係點～試吓做以下嘅心理測驗，睇吓幫唔幫到你更加了解自己受歡迎嘅程度同形象啦！

如果有個好似人咁大嘅蛋出現喺你面前，你覺得呢隻蛋會孵啲咩出嚟呢？

A. 一條蛇

B.一個公主

C.一隻企鵝

D. 一隻小鳥

（向下碌睇答案～唔好偷睇呀～）

A. 蛇

受歡迎指數20% 充滿神秘感、難捉摸

你係一個好善變嘅女仔，並由心情主導你嘅行為。如果你當日心情好，你做嘅所以嘢都可以令人開心、你自己亦享受帶歡樂俾人嘅感覺；但係如果你心情唔好、人哋因為你而唔開心，你亦會因此被影響而心情變得更差，令人覺得好難捉摸。

B. 公主

受歡迎指數75% 可愛、討人歡喜

你係一個好識得討人歡喜嘅女仔，習慣盡量講啲人哋有興趣嘅話題，所以容易令人覺得相處舒服。俾人嘅感覺亦比較有正能量同陽光、令人想繼續同你傾偈。

C.企鵝

受歡迎指數45% 體貼聰明、善解人意

你係一個好有諗法嘅女仔，唔會因為其他人講嘅嘢而動搖自己。，同時你冇乜侵略性，好重視人與人之間嘅尊重：即使意見不一都識得尊重其他人嘅諗法、亦認為對方應該尊重自己。但遇到唔識尊重嘅人就容易控制唔到自己嘅脾氣、大發雷霆。

D.雀仔

受歡迎指數95% 性感輕熟、識大體

你係一個有時會展露小性感嘅女仔，俾人嘅印象幾可靠。而且公眾場合下好識得處理人際關係。所以好多人都會幾中意你！

你又覺得結果準唔準呢？其實在意人哋嘅睇法係人之常情嚟嘅～無論測驗結果係點，記住唔好盲目討好別人而唔做返自己呀！

Text by: Girlsmood

Photo from: The Guardian