KOL雪姨的YouTube頻道有31萬Followers，由美妝起家，加上投資有道，由公屋妹升呢到買半山林燕妮故居如，奠定了她富貴KOL形象。不過近日卻因一條盆菜片而引爆公關災難，除了網民鬧爆外，主辦的市集亦因發退租潮？

出自單親家庭與母相依為命 

雪姨小時侯住柴灣公屋，跟公公婆婆十幾人同住，父母離異，單親家庭長大。她曾於訪問中捉提及從前生活樸素，成名後買了Rolex結媽媽，但媽媽仍然不戴，連買個Hermes手袋給她，她只用了一兩次。但單親家庭長大的雪姨十分孝順，曾表示「即使家庭環境好窮，但佢（媽媽）將最好嘅都畀我。」因此當事業有成後，雪姨一次過以950萬港元購入已故才女林燕妮位於北角寶馬山花園的故居，再用50萬港元將全屋大翻新，作為送給媽媽的禮物，認真孝順。

致勝之道靠投資

畢業後雪姨第一份工只有$8500， 她曾分享自己會將$5000存起，儲到10萬左右，就用來投資，更買窩輪等高風險投機產品。不過單靠投資令她壓力大增，從而開設網誌寫扮靚心得，其後轉型成KOL，慢慢拓展人脈，更睇準商機，開經理人公司招攬YouTubers，其後生意愈做愈大，更坐擁8間公司，有品牌管理、室內設計、餐飲及與陳凱琳合資個人護理產品公司等。雪姨的致富之道可以說是步步艱辛，一個十分勵志的故事。

盆菜事件抽水搵錢 網民鬧爆 

本身人氣、名聲都不錯的雪姨，卻因為近日一段盆菜食評影片而爆發公關災難。 雪姨以酒店Ritz-Carlton的$688一人份盆菜、帝京酒店$788二人份盆菜和深水埗基隆茶餐廳$128一人份盆菜作比較，指基隆茶餐廳髮菜少，再抽水賣廣告。有網民質疑用高級酒店與茶餐廳盆菜一起比較並不公平，受多方指責。雪姨因此道歉，解釋將酒店與茶餐廳一起點評原因，Content Team同事指坊間較少一人盆菜，網民紛紛對此說法不受落。

事件蘊釀後，Ritz-Carlton酒店急忙表示未有贊助雪姨；基隆茶餐廳則回應會考慮告雪姨誹謗：「雖然我哋唔係四五星級酒店，但係問心真係無你講到咁難食，藐嘴藐舌仲要帶住不肖樣詆毀我哋嘅一人盤菜，你要做生意唔係咁做既……做個KOL 噏得出就噏……」而近日她主辦市集亦受盆菜風波影響，爆出退租潮。本身有在雪姨市集租檔的KOL卓飛更爆粗鬧爆，更寧願蝕租錢也不願擺檔。「 我係唔會去幫個臭X做勢嘅. X我今日就去執野走, MJ13（卓飛品牌）啲野係唔會喺個臭X個場度賣嘅。」睇嚟雪姨今次唯有等事件慢慢淡出啦……