眼晴係我哋嘅靈魂之窗，而眼角膜係眼晴不可或缺嘅一部分。但眼角膜非常容易受損，隱形眼鏡佩戴者往往忽視咗對眼角膜嘅保護。例如大家都試過眼晴太乾而甩Con，或係副Con轉咗入眼球，咁會為眼角膜帶來損傷。其實隱形眼鏡又可以戴幾長時間？

專家建議隱形眼鏡每日唔應該戴多8個鐘，因為Con戴太長會阻礙眼角膜嘅呼吸作用，加重眼睛缺氧現象，亦有可能空氣潮濕令細菌滋生，引起嘅感染機率就會增加，容易誘發眼部疾病，甚至影響視力。建議長期佩戴者，應該適當控制佩戴時間。

另外要提醒大家，絕對唔可以戴住隱形眼鏡訓覺。因為當我哋訓覺時會合上眼晴，眼淚分泌會大幅減少，眼角膜又會因被隱形眼鏡長時間覆蓋造成嚴重缺氧，導致眼睛刺痛、角膜充血、水腫、慢性乾眼症。

另外，女士們貪靚亦會選購彩色隱形眼鏡，但市面上嘅彩Con透氧率都唔高。建議大家多選購矽水凝膠同每日即棄型類嘅Con，因為即棄型類Con使用周期較短，能夠有效避免蛋白沉澱同細菌滋生，保持眼角膜透氣。