傳言1: 貓有九條命

老人家總係話貓有九條命，係因為好多人睇到貓從高處跳落嚟時，可以毫髮無損安然著地。而係真正的貓咪墜樓事故裡面，貓貓存活率其實唔高，所以奴才們出街記得關窗，唔好攞主子條命嚟講笑。

傳言2: 黑貓不吉利

亞太普遍地區傳言話黑色嘅貓唔吉利，係厄運同災禍嘅象徵。其實喺古代，黑貓係被人用來辟邪鎮宅，而且黑色嘅貓貓神秘又可愛，仲好親人添。

喵星人好似唔多理人，好高傲咁，令自古以來人都對貓存在偏見，覺得佢哋養唔熟同唔親人。其實如果主人用心去照顧，貓貓都會給予你同樣嘅愛。主人可以喺貓仲係BB時，同佢做一啲社會化訓練，因為哩個係佢哋最容易接受新事物嘅時候，咁樣貓貓亦容易融入家庭。訓練時可以搭配一啲零食作為獎勵，訓練就更容易。

錯錯錯！雖然喵星人口水含有溶菌酶，但係溶菌酶嘅含量好低，不足以起到殺菌作用。反而佢哋嘅口水中含有大量細菌，舔傷口只會惡化病情，所以當貓貓受傷，記得幫佢哋正確消毒。

人人都有個概念係狗狗食骨頭，貓貓就食魚。其實大家都知道喵星人剩係食魚吸收唔到足夠營養。而且家貓腸胃係比較脆弱，魚骨好容易劃傷腸道，導致佢哋內出血。最好嘅飼料係貓糧，貓糧經過科學研發，可提供貓貓所需嘅營養。