電影《Nomadland》奪得第78屆金球獎戲劇組最佳電影及最佳導演獎。趙婷成為首位奪得最佳導演的華人女導演。唔同媒體都爭相報導新聞、但亦因為人氣大熱而有網民翻出趙婷以前訪問講過嘅內容、更令電影近日喺中國大陸撤檔，而相關內容亦喺平台下架。
被翻出嘅訪問有兩段：2020年澳洲媒體嘅報導中嘅趙婷指美國而家係佢嘅國家；2013年紐約傳媒訪問嘅佢講過：「我仲係青少年嘅時候喺中國生活，到處都係謊言。你會覺得自己永遠都唔能夠逃離。我有好多青少年時期收到嘅資訊都唔係真嘅。」
就係咁，內地嘅網民由恭喜趙婷變成要求封殺。據知豆瓣網已經即刻刪除咗《Nomadland》嘅官方海報，而喺百度、豆瓣、微博、貓眼電影等網站都已經睇唔到電影嘅上映日期。
