近日韓國流傳一個心理測驗，話可以從一個人嘅電話叉電習慣睇出佢嘅性格同愛情觀！係咪真係咁神奇？自己試吓做睇吓結果準唔準啦！

你平時用電話嘅叉電習慣係點嘅呢？

1）100%滿 都會一直叉電

2）大約80% 就會想叉電

3）大約50% 就會想叉電

4）大約20% 就會想叉電

5）就嚟0%先會想叉電

（碌落去睇答案～ 唔好偷睇呀～）

1）100%滿 都會一直叉電

你係一個願意為愛付出嘅人，而且好有同理心、識體諒人。當你喺一段愛情入面，你鍾意同身邊嘅人分享自己嘅幸福，而且好注重生活嘅品質，亦好留意身邊嘅事物、發掘生活中嘅小確幸。

2）大約80% 就會想叉電

喺一段愛情入面，你非常重視感覺以及同對方嘅共同興趣。你思想成熟但心思單純，適合同踏實而唔浮誇嘅人發展關係。但因為你嘅內外性格反差大，人哋好難睇穿你。你亦有好準嘅直覺同領導才能，做嘢嘅時候好幫到人手。

3）大約50% 就會想叉電

你係一個好容易就會投入一段愛情嘅人，會不惜一切咁付出。你亦擁有好多不同面向和性格，而且好識收埋自己。喺别人眼中會好有神秘感同吸引力，係一個率直、隨和、重情義嘅人。

4）大約20% 就會想叉電

你喺一段愛情入面嘅時候好要面，適合一個強大而可靠嘅伴侣。你好識得睇出人地心入面嘅諗法、唔會隨波逐流亦都好善解人意，所以係好多朋友嘅傾訴對象。

5）就嚟0%先會想叉電

拍緊拖嘅你會好著重對方嘅感受。但你係一個忽冷忽熱嘅人，所以人哋好難估到你諗咩。同時，因為你對身邊事物個專注同執著，好容易令人哋信任你。

你又覺得準唔準呢？

Text by: Girlsmood

Photo from: Pinterest