星夢娛樂行政總裁何哲圖於早前傳出離任消息，並由曾志偉接手TVB音樂發展，令大眾都關注星夢娛樂旗下歌手嘅未來去向。

TVB最近舉辦嘅歌手選秀節目《聲夢傳奇》只係播出一集就遇上變天，而傳出節目被取消嘅消息。15名參賽者嘅去向同樣令人關注。

有傳聞指鄭俊弘作為星夢娛樂第一個出唱片及第一個舉行個人演唱會嘅歌手、一直受何哲圖悉心栽培，將與何哲圖一同離巢。但有關消息就未被確認，只知鄭俊弘而家仍然係TVB經理人藝員。

另一方面，同為星夢娛樂旗下嘅胡鴻鈞原來最近完約。有指佢已經由無綫經理人約轉簽邵氏旗下，但暫時未有同其他唱片公司簽約。

無論其他星夢嘅歌手未來去向如何，希望將來嘅勁歌金曲頒獎典禮可以成為更有公信力嘅頒獎典禮、唔再係一家獨大。

Text by: Girlsmood

Photo from: YouTube (TVB (official) ), Facebook (星夢娛樂集團 The Voice Entertainment Group), Instagram (@the_voice_ent)