各位姊妹們，父親節又嚟啦！係咪諗到頭都大埋，仲未準備好禮物送畀最錫你嘅爸爸呢？唔使驚！Girlsmood編輯部幫你整理咗一份「死線都買到心水禮物」終極清單！無論你爸爸係科技控、潮流達人定係品味紳士，呢度都有實用又心思嘅奢華好物等你揀，包保爸爸收到冧爆！即刻碌落去睇下啦！

編輯：海月@Girlsmood │ 圖片來源：各大廠商

父親節禮物推薦2025｜死線都買到心水禮物，精選13樣父親節實用心思奢華單品！

潮爸必備黑科技！型格又實用，一秒變科技達人

嗱，如果爸爸係電子產品控，或者你想佢行出嚟都夠晒型仔，咁智能手錶同最新手機絕對係不二之選！

父親節禮物推薦2025｜1. Apple Watch Hermès Series 10

講到智能手錶，點可以唔提Apple Watch Hermès Series 10呢！佢嘅橙色錶帶配上H Diagonal鏤空圖案，睇落簡約得嚟又超時尚，簡直係實用又有心思嘅心意禮物啦。重點係，佢仲有好多實用功能，例如心跳、步數監測，跌倒偵測同埋SOS緊急求助，尤其適合關心爸爸健康嘅你，畀佢多一份保障嘛。

（建議零售價：$10,999）

父親節禮物推薦2025｜2. iPhone 16 Plus

現代爸爸生活咁忙碌，一部耐用又高續航力嘅大屏幕手機絕對係必需品！iPhone 16 Plus用咗堅固嘅航天工業級鋁金屬機身，背面仲有強韌嘅注色玻璃，再加上全新陶瓷晶體護面物料，堅固度高達2倍㗎。內部設計都重新改良過，電量更大，可以播片長達27小時，仲有Super Retina XDR顯示器同「動態島」功能，視覺體驗一流，爸爸用嚟睇Netflix、波賽一定爽歪歪！

（建議零售價：$6,899起）

父親節禮物推薦2025｜3. AirPods Pro 2

好多爸爸成日忙到冇時間好好休息，如果佢又特別注重聽力健康，咁 AirPods Pro 2 就係個好貼心嘅禮物啦！🎧 除咗有「降低高音量」功能，仲有經臨床驗證嘅「聽力測試」同非處方「助聽」功能。爸爸仲可以透過Apple Music app 聽《聲波療癒法》，幫佢更清晰集中、更深層放鬆，甚至瞓得更好。聽住歌放鬆心情，真係治癒到不得了！

（建議零售價：$1,849起）

父親節禮物推薦2025｜4. FUJIFILM X-HF1

如果爸爸係個文青攝影師，或者鍾意玩復古嘢，咁呢部FUJIFILM X-HF1就啱晒佢啦！佢結合咗復古半格菲林相機嘅設計同埋現代數碼技術，靈感嚟自1960年代嘅半格菲林機，睇落超有型6。最勁係內建咗13種經典菲林模擬模式，例如PROVIA、Velvia、ASTIA、CLASSIC CHROME同最新嘅REALA ACE咁，可以模擬傳統菲林拍攝體驗，包保爸爸影出嚟啲相夠晒味道，型到爆鏡！

（建議零售價：HKD $5,580）

父親節禮物推薦2025｜5. Nintendo Switch 2

想畀爸爸喺屋企chill下打機，或者帶出去同朋友玩，咁Nintendo Switch 2絕對係首選！新一代Switch延續咗原本Switch可攜帶同接駁電視雙模式嘅設計，但最大亮點係個屏幕！佢採用咗更大、更高解析度嘅7.9吋螢幕，比起之前6.2吋大咗好多，仲支援1080p解析度同120Hz刷新率及HDR。視覺體驗直線上升！👍 玩起嚟超順暢，睇片都一流。磁吸式嘅Joy-Con 2用起嚟仲方便，包保爸爸玩到唔捨得放手！

（建議零售價：HKD $3,450）

品味紳士養成術！爸爸的時尚穿搭指南

想爸爸由頭到腳都散發魅力？以下幾款時尚單品，絕對可以提升爸爸嘅品味值！

父親節禮物推薦2025｜6. Hermès領呔

增添造型亮點，爸爸變靚仔 🌈✨ 領呔多幾條都唔嫌多㗎！Hermès呢款Sur les Toits d’Hermès 領帶，唔只時尚耐看，仲可以為爸爸嘅造型增添亮點，即刻顯得好氣色！係咪好吸引呢？

（建議零售價：$2,400）

父親節禮物推薦2025｜7. DIOR PRIVÉ男裝手袋

實用與奢華並重 👜💎 男士們都鍾意實用又具收藏價值嘅禮物，DIOR全新嘅PRIVÉ男裝手袋就完美融合咗呢兩點啦！佢以極簡現代嘅設計，展現知性魅力，袋身壓印咗精緻嘅「DIOR」標誌，低調中彰顯品味，內襯仲有經典嘅DIOR OBLIQUE圖案絨面小牛皮㗎！爸爸返工或者出街用都超有型！

（建議零售價：$34,000）

父親節禮物推薦2025｜8. Prada Shuffle antiqued Loafers

Prada出名喺薄底鞋設計上一點都唔手軟㗎！呢對Shuffle antiqued leather loafers用復古皮革製成，鞋口位嘅皺摺處理好有味道，鞋舌仲有PRADA Logo，辨識度超高。無論爸爸著短褲定長褲都輕鬆carry，絕對係百搭鞋款，而且以奢侈品牌皮鞋嚟講，價錢都算合理，小資女都負擔得起㗎！